Ｍ：１８日や年の夜（とぅしぬゆるー）えってーとぅ、カヌーふじぅわーてぃからやーかいけーてぃブログ更新しち、うりからナチジンぬやーかいけーてぃ、祖先（うやぱーぷーじー）にうぐゎんうさぎたんばーえっさ。
Ｓ：けーりがちなー（竹と松）だきとぅまちぬゆだちっち、門前（じょーぬめー）んかい飾りんしちやー。
Ｍ：今年一年（くとぅしいちねん）海かい行じてぃ、ぱじみてぃカヌーんふじゃんばーえっしが、だーんやまさんぐとぅしぬじちぇーしん、うやぱーぷーじーぬ見守って（みーまんてぃ）とぅらちぇーとぅりち思（うむ）てぃ、感謝さんねーならん。
Ｓ：努力しち技術たかみーしやあてーめーぬくとぅえっしが、カヌーとぅ船（ぷに）ぬしんかぬちゃーんかい助け（たしき）らってぃ、ゲートゥ前（めー）ぬちゅーたーんかいたしきらってぃ、関心むっちとぅらちゅーぬ世間御万人（しきんうまんちゅ）んかいたしきらっとぅし、ちゃーくくるんかいうむらんねーならんさ。
Ｍ：抗議行動ぬんどぅーちゅいじやならんばーえっとぅ。
Ｓ：えっしが、さすがに旧そーがち（正月）にや海上作業さんてーさや。
Ｍ：今週中にや海底ボーリングぬスパッド台船ぬいっちすんでぃいうぬくとぅえっとぅ、また明日（あちゃー）からなんじくんじぬ始（ぱじ）まんばーえっさ。
Ｓ：よいいっとぅちぬなかゆくいえってんばーえっしが、新年（みーどぅし）んちばらんねーならんさ。
Ｍ：親（うや）ぬちくてーぬぅわーしじるんくゎっちーしち、すぱらかーてーとぅやー、あちゃーらてーいじゃちカヌーんふがんねーならんさ。
Ｓ：事故ぬねーぬぐとぅ海ぬ安全祈願しち、くとぅしんゆたしくうにげーさーびら。